அங்கீகாரமின்மை: இது பொது மக்கள் மற்றும் காசாங்காடு இணைய குழுவின் சமூக சேவை. தகவல்கள் துல்லியமாக இல்லாமல் இருப்பதற்கு வாய்ப்புகள் உண்டு. ஏதேனும் அப்படி இருந்தால் அவைகளை சரி செய்து இணைய குழுவின் மின்னஞ்சலில் தொடர்பு கொள்ளவும். நன்றி.

சனி, 20 ஜூலை, 2013

புகையை கட்டுபடுத்தும் நவீன அடுப்பு

புகையை கட்டுபடுத்தும் மற்றும் குறைந்த விறகுகளை கொண்டு அதிக எரி சக்தியினை தரும் நவீன அடுப்பு.

காசாங்காடு கிராமத்தில் மிகுந்த அளவில் எரிவாயு கொண்ட அடுப்புகள் இருந்தாலும் மர கழிவுகளை கொண்டு எரிக்கும் பழக்கம் இன்றும் நடைமுறையில் உள்ளது.

சாதரான திறந்த வெளி அடுப்பை விட புகையினை 80% சதவிகிதம் குறைந்த அளவில் வெளியிடும்.

இந்த அடுப்பு பயன்படுத்துவோருக்கு ஏற்படும் அடுப்பின் புகை சம்பந்தமான நோய்களை குறைக்க உதவும். காசாங்காடு கிராம சுகாரத்தையும் பாதுகாக்கும்.


நிறுவனம் பகிர்ந்து கொண்ட விலை: Rs 1299/-
தயாரிக்கும் நிறுவனம்: http://greenwaygrameen.com/greenway-smart-stove/


ஞாயிறு, 7 ஜூலை, 2013

கிராமத்தின் மின் அழுத்த ஏற்ற இறக்கங்கள் சீரமைப்பு மற்றும் மூன்று கட்ட மின்னழுத்த தேர்வு சாதனம் - Automatic Phase Changer & Main Line Stabilizer


நம் கிராம வீடுகளில் மூன்று கட்ட மின்னழுத்த இணைப்புகள் தற்போது பெரும்பாலான வீடுகளில் காணபடுகின்றன. இதற்க்கு இரண்டு காரணங்களுக்காக தேவைபடுகின்றன.

  1. அனைத்து கட்ட மின்னினைப்புகளிலும் சீரான மின்னழுத்தம் கிடைப்பதில்லை (Not all Phases are available)
  2. அனைத்து கட்ட மின்னினைப்புகளிலும் மின்னழுத்தம் கிடைபதில்லை (Not all phases has sufficient voltage)
இதை சரி செய்ய சமீபத்தில் இணையத்தில் தொழில்நுட்பங்களை தேடினோம். இரண்டு கருவிகள் இதை சரி செய்ய கண்டறிந்து கிராமத்தில் சோதனை செய்தோம்.

மின்சுற்று இணைப்பு குறிப்பு:

Mainline -> Automatic Phase Changer -> Mainline Stabilizer -> Output to whole house

மின்னழுத்தம் சீரமைக்கும் கருவி:

V-Guard VGMW 800 Mainline For General Purpose  விலை: ரூபாய். 18,500/-




வாங்கிய இடம்:
68 Thiruvalluvarpuram 2nd street,
Choolaimedu - 600094

தானாக மூன்று கட்ட மின்னழுத கட்டத்தை தேர்வு செய்யும் கருவி: 

RPC-100 Automatic Phase Changeover - விலை:  ருபாய். 5995/-



தயாரிப்பாளர் இணைய தள விபரங்கள்: http://www.roshanengg.com/automatic.asp

வாங்கிய இடம்:
Roshan Engineering Corporation
Old no:40-A, New no :24-A,
Dewan rama road,
Purasawalkam,
Chennai-600084.

இந்த கருவியை பொருத்தி ஒரு மாதம் சோதனை ஓட்டம் செய்யப்பட்டது.
எந்த வித இடர்பாடு இல்லாமல் மின்னழுத்தம் கிடைகின்றது. கிராமத்தினர் அனைவருக்கும் இந்த தகவல் பயனுள்ள வகையில் அமையுமென நம்புகிறோம்.

மேலும் சிறந்த சாதனங்கள் இருப்பினும் பகிர்ந்து கொள்ளவும்.

தங்களின் கருத்துக்களை பகிர்ந்து கொள்ளவும்.


புதன், 19 டிசம்பர், 2012

எளிதான முறையில் மாதுளை விதைகளை எடுப்பது எப்படி?


எளிதான முறையில் மாதுளை விதைகளை எடுப்பது பற்றி தெரிந்து கொள்வோம்.

சாதாரண கருவிகளை கொண்டு,


சல்லடை கொண்ட பாத்திரத்தை கொண்டு மிகவும் எளிதாக.


நன்றி.


வெள்ளி, 24 ஜூன், 2011

தமிழ் மொழி பெயர்ப்பு தொழில்நுட்பம் - 51 மொழிகளிளிருந்த்தும்


தமிழில் இருந்து வேற்று மொழியில் மொழி பெயர்க்கவும், வேற்று மொழிகளில் இருந்து தமிழில் மொழி பெயர்க்கவும் மற்றும் அந்த மொழிகளில் உச்சரிக்கவும் சிறந்த தொழில் நுட்பம் கூகிள் நிறுவனத்தால் உருவாக்கப்பட்டுள்ளது.

தினசரி வாழ்வில் பயன்படுத்தி வாழ்க்கையின் தரத்தை மேம்படுத்தி கொள்ளுங்கள்.

கிராமத்தினரின் எந்த பிரச்சனையை இந்த தொழில் நுட்பம் தீர்க்கும்: 

இணையத்திலோ அல்லது வேற்று மொழிகளில் படிக்கும் அல்லது கேட்கும் தகவல்களின் தமிழ் மொழிபெயற்பப்புகளை தானியங்கி முறையில் மாற்ற உதவி புரியும் தொழில்நுட்பம்.

முன்பைய சொடுக்கு: இதற்க்கு முன் பகிர்ந்துக்கொள்ள படவில்லை



இந்த தொழில்நுட்பம் பயன்படுத்துவதன் மூலம் ஏதும் முன்னெச்செரிக்கை(இருந்தால்): 

இந்த தளத்தை உருவாக்கிய நிறுவனத்தின் முன்னெச்செரிக்கை பார்க்கவும்.

விரிவான விளக்கம்:


தங்களின் நண்பர்கள் வேற்று மொழியில் இருப்பினும் தமிழில் உள்ள தகவல்களை வேற்று மொழிகளில் மாற்றும் வசதி.

தமிழ் மொழியில் உள்ள நம் கிராமத்தின் வரலாற்று இணையதளத்தை பிரெஞ்சு மொழில் படிக்கவேண்டுமேனின் கீழே சொடுக்கவும்.


அது போல வேற்று மொழிகளில் உள்ள தகவல்களை தமிழில் படிக்கலாம்.

51 மொழிகளில் உள்ள தகவல்கள் அனைத்தும் தமிழில் மொழி பெயர்க்கவும் இந்த தொழில்நுட்பத்தை பயன்படுத்தலாம்.

உதாரணமாக இந்திய அரசாங்கத்தின் பக்கங்களை தமிழில் படிக்க வேண்டுமெனின் கீழே சொடுக்கவும்,



உலகத்தை பற்றி அனைத்து தகவலையும் தாய் மொழியிலேயே தெரிந்து கொள்வதற்கு தேவையான தொழில்நுட்பத்தை உருவாக்கிய கூகிள் நிறுவனத்திற்கு எமது நன்றிகள்.

கருத்துக்களை பகிர்ந்து கொள்ளவும்.

சனி, 18 ஜூன், 2011

பாண்டதிர்க்குள் பாண்டம் - இயற்கை குளிரூட்டி


கிராமத்தினரின் வாழ்க்கை தரத்தை எளிமையான மற்றும் சிக்கனமான  முறையில் வழிவகுத்திட முயன்று வரும் அனைத்து உலகத்து உள்ளங்களுக்கும் எமது நன்றிகள்.

எளிமையாக கிடைக்கும் பொருட்கள் கொண்டு மின்சாரம் இல்லாமல் குளிரூட்டி செய்வது எப்படி என்பது பற்றியே இந்த தொழில்நுட்பம். இந்த தொழில்நுட்பம் தற்போது கிராமத்தினர்களின்  பயன்பாட்டிலும் இருக்கலாம்.

தகவல் பதிவாளர்: சுரேஷ் 
கிரம்த்த்தினரின் எந்த பிரச்சனையை இந்த தொழில் நுட்பம் தீர்க்கும்:

மின்சாரம் மூலம் அதிக செலவில் பயன்படுத்தகூடிய குளிரூட்டியை நீக்கி இயற்கையான குளிரூட்டிகள். தற்போது இவை குடிதண்ணீர் செமிப்பியாகவும் கிராமத்தில் பயன்படுத்தபடுகிறது.

தண்ணீர் மட்டுமல்லாது காய்கறி கனிகளை எவ்வாறு வீணாகாமல் சேமித்து வைப்பது என்பது பற்றிய தொழில்நுட்பம்.

கண்டுபிடிப்பாளர்: முஹம்மது பாஹ் அப்பா, நைஜீரியா

இந்த தொழில்நுட்பம் பயன்படுத்துவதன் மூலம் ஏதும் முன்னெச்செரிக்கை(இருந்தால்): 

இந்த தொழில்நுட்பம் பயன்படுத்துவதன் மூலம் ஏற்படும் சிரமங்களுக்கும் நட்டங்களுக்கும் இணையதளமோ அல்லது அதன் கண்டு பிடிப்பாளர்களோ பொறுப்பாக மாட்டார்கள்.

விரிவான விளக்கம்:

இதன் ஆங்கில சுட்டி: https://www.planetseed.com/node/20642

இந்த குளிரூட்டி செய்முறை:
இரண்டு மண் பாண்டங்களை ஒன்று முதல் மூன்று சென்டிமீட்டர் இடைவெளியில் எடுத்துகொள்ளவும். மண் பாண்டாங்களில் கீழே ஓட்டைகள் இருப்பினும் அவைகளை உளை கொண்டு அடைத்துவிடுங்கள். இவை தண்ணீர் மற்றும் மணல் கசிவதை தடுக்க உதவும்.  பெரிய மண் பாண்டத்தில் அடியில் மணலை நிரப்பிகொள்ளவும்.


நிரப்பிய மணல் இரண்டு மண் பாண்டங்களின் வாய் ஒரே அளவில் இருக்கும் அளவிற்கு மணலை நிரப்பவும்.


பிறகு சிறிய மண் பாண்டத்தை நடு பகுதியில் (அனைத்து பக்கங்களிலும் இரண்டு பாண்டங்களின் இடைவெளியின் தூரம் ஒரே அளவில் இருக்க வேண்டும்) எடுத்து வைத்து அந்த இடைவெளியில் மணலை நிரப்பவும்.

நிரப்பிய மணலில் தண்ணீரை ஊற்றவும். தண்ணீர் வெளியே வராத அளவிற்கு நீரை நிரப்பவும். காசாங்காடு கிராமத்தில் ஈரப்பதம் அதிகம் இருப்பதால் இந்த மணலில் உள்ள ஈரப்பதம் நான்கு அல்லது ஐந்து நாட்கள் வரை தாங்கும்.

மணலுக்கு பதிலாக தேங்காய் மட்டை சோற்றை கொண்டு செய்து பார்க்கவும். தேங்காய் மட்டை சோறு தண்ணீரை சேமித்து வைத்து கொள்ளும் திறன் அதிகம். ஆனால் இவை எளிதில் மடித்து விடும் வாய்ப்புகள் உண்டு.


பழம் அல்லது காய்கறிகளை உள்வைத்து ஈர துணியால் மூடவும். 

இயற்க்கை குளிரூட்டி தாங்களின் பயன்பாட்டிற்கு தயார்.



சுமார் 27 நாட்கள் வரை காய்கறி மற்றும் கனிகள் கெடாமல் இருக்க இந்த குளிரூட்டிகள் உதவி புரியும்.

கிராம குழும விவாத சுட்டி: http://groups.google.com/group/kasangaducom/browse_thread/thread/a93cfb178c221f8f


திங்கள், 30 மே, 2011

மரமேறும் தானியங்கும் கருவி - ஹாங்காங் பல்கலைகழக கண்டுபிடிப்பு


கிரமத்தினரின் எந்த பிரச்சனையை இந்த தொழில் நுட்பம் தீர்க்கும்: 

மரத்தில் செய்ய வேண்டிய அனைத்து வேலைகளையும் இவைகள் செய்யும். வெட்டுவது, மாங்காய் பறிப்பது, மூங்கில் மரங்களை சுத்தம் செய்தல், தேங்காய் வெட்டுவது, மரத்திற்கு மருந்து தெளிப்பது, போன்ற எண்ணற்ற மரங்களில் செய்ய வேண்டிய வேலைகளை இந்த கருவி செய்யும்.

இதன் பயன்பாடு இதை திறமையாக பயன்படுத்துவதில் தான் உள்ளது.

இந்த தொழில்நுட்பம் பயன்படுத்துவதன் மூலம் ஏதும் முன்னெச்செரிக்கை:
இந்த கருவியை பயன்படுத்துவதன் முன்னெச்செரிக்கை தயாரிப்பாளரை அணுகவும்.

விரிவான விளக்கம்:

கண்டுபிடிப்பாளர்களின் சொடுக்குகள்:
http://arl.mae.cuhk.edu.hk/node/678

இந்த கருவி எவ்வாறு வேலை செய்கின்றது என்பதன் நிழற்பட விளக்கம்:




இந்த கருவியை பயன்படுத்துவதன் மூலம் மரம் ஏறும் விபத்துக்கள் தவிர்க்க படுகின்றன. என்ன செய்ய வேண்டுமோ அந்த வேலைகளை துல்லியமாக தரையில் இருந்து கொண்டே இயக்கலாம். அனைத்து மரங்களிலும் ஏற கூட திறன் உண்டு.  மரங்கள் மட்டுமன்றி சுவற்றில் கூட ஏறும் திறன் கொண்டது.

இந்த தகவல் பயனுள்ளதாக இருப்பின் மற்றவர்களுக்கும் பகிர்ந்து கொள்ளுங்கள்.



இதற்க்கு முன் கண்டுபிடித்த இதை போன்ற கருவியின் விவாதம்:

தொழில்நுட்பம்:
குறைபாடுகள்:
அனைத்து மரங்களிலும் ஏறும் வசதி இல்லை. மேலும் இவைகள் தானாகவே இயங்கும் திறன் இல்லை.